Жаңалықтар
Ақорда
Мемлекет басшысы Халықаралық дзюдо федерациясының (IJF) президенті Мариус Визерді қабылдады
2024 жылғы 30 қазан
https://x.com/aqorda_press/status/1851607882027946432
Қасым-Жомарт Тоқаев Мариус Визерге дзюдоны дамытуға және насихаттауға үлес қосқаны үшін ризашылық білдірді. Президенттің айтуынша, Қазақстанда спорттың осы түріне қызығушылық зор. Әсіресе, балалар мен жастар арасында танымалдылыққа ие.
https://x.com/aqorda_press/status/1851607882027946432
– Сіздің сапарыңыз Қазақстан мен Халықаралық дзюдо федерациясы арасындағы өзара ықпалдастыққа тың серпін беру тұрғысынан өте маңызды деп санаймын. Бүгінде дзюдоның әлемдік спорт қоғамдастығында алатын орны зор. Дзюдо Қазақстанда да өте танымал спорт түрі. Елімізде көптеген секция мен жаттығу орталықтары жұмыс істейді. Онда 160 мыңнан аса адам, солардың ішінде балалар да жаттығады. Жақында өткен Париж Олимпиадасында Елдос Сметовтің жеңімпаз атанғанын мақтан тұтамыз. Сондықтан біз Халықаралық дзюдо федерациясымен қарым-қатынасты өркендетіп, ынтымақтастықты жандандыруға ниеттіміз, – деді Мемлекет басшысы.
Өз кезегінде Мариус Визер Қазақстанда дзюдоны дамытуға қолдау көрсеткені үшін Қасым-Жомарт Тоқаевқа алғыс айтты.
– Қазақстанға келу – мен үшін үлкен мәртебе. Сізге және еліңізге дзюдоға ғана емес, әлеуметтік интеграцияның және бейбітшіліктің бірден-бір тетігі саналатын спорттық қозғалысқа қолдау көрсеткеніңізге ризашылығымды білдіремін. Дзюдо қауымдастығының барлық мүшесі ортақ мақсатқа жұмылады. Бұл – қоғамда лайықты орны бар азамат тәрбиелеу, – деді Мариус Визер.
Ол Астанада Халықаралық дзюдо федерациясының ұйытқы болуымен IJF академиясын ашу жоспарланып отырғанын жеткізді. Бұл аймақтағы жоғары санатты жаттықтырушылар мен төрешілерді даярлайтын орталықтардың бірі болмақ.
https://x.com/aqorda_press/status/1851607882027946432
Қасым-Жомарт Тоқаев пен Мариус Визер Қазақстанның Халықаралық дзюдо федерациясымен ұзақмерзімді ынтымақтастығының перспективасы жөнінде пікір алмасты. Бұдан бөлек, 2027 жылы елімізде өтетін дзюдодан Әлем чемпионатына дайындық мәселелерін пысықтады.
Кездесу соңында Мемлекет басшысы Қазақстанда дзюдоны ілгерілетуге қосқан үлесі үшін Мариус Визерді ІІ дәрежелі «Достық» орденімен марапаттады.
Кері қайту Кері қайту
kaynak:https://www.akorda.kz/kz/memleket-basshysy-halykaralyk-dzyudo-federaciyasynyn-ijf-prezidenti-marius-vizerdi-kabyldady-30916
https://x.com/aqorda_press/status/1851607882027946432
Büyükelçi ile BAE Yatırım Bakanı arasında görüşme
Vladimir Yakushev: Öğretim yolunun sürekliliğinin özel bir anlamı var
Виктор Водолацкий: Главный посыл выступления Президента на валдайском форуме в том, что попытки удержать однополярный мир обречены
Социальные обязательства, обороноспособность, национальные цели: «Единая Россия» обеспечит финансирование народной программы в проекте бюджета
В волонтёрском лагере «Единой России» «Курский рубеж» завершилась пятая смена
Эксперты-социологи: «Единая Россия» усилила низовой актив и делает ставку на прямые коммуникации с людьми, поддержка и включенность первичных организаций в кампанию становятся правилом